លោក Laporta ថា Neymar និង Messi អាចមក Barcelona វិញបាន លុះត្រាតែមានករណីនេះកើតឡើង
លោក Joan Laporta ប្រធានក្លឹប Barcelona បាននិយាយថាចំពោះ Neymar និង Lionel Messi មានឱកាសត្រលប់មកទឹកដី Camp Nou បានវិញ លុះត្រាតែមានករណី Free Transfer ប៉ុណ្ណោះ។
សម្រាប់ Neymar កំពុងត្រូវបានក្លឹប PSG ចង់លក់ចេញ ប្រសិនបើមានក្លឹបណាមួយផ្ដល់តម្លៃឲផ្ដាច់កុងត្រាសមរម្យ។ ស្របពេលខ្សែប្រយុទ្ធ Lionel Messi វិញ ដូចដែលបានឃើញស្រាប់នៅរដូវកាលមុន រូបគេហាក់ធ្វើមិនបានសូវបានល្អ ហើយទំនងជាចង់ចាកចេញពីបារាំងវិញផងដែរ។ បើតាមឪពុករបស់ Messi បានបញ្ជាក់ថាលោកក៏សង្ឃឹមថ្ងៃណាមួយ កូនប្រុសអាចត្រលប់ទៅកន្លែងដែលធ្វើឱ្យគេសប្បាយចិត្តនឹងលេង។
ចំពោះរឿងខាងលើនេះ លោក Laporta បាននិយាយដែរថាលោកពេញចិត្តក្នុងការត្រលប់មកវិញ បើសិនជាអាចសម្រាប់ខ្សែប្រយុទ្ធកំពូលទាំងពីរ។ តែបើតាមបច្ចុប្បន្ននេះ វានឹងមិនមែនជារឿងងាយស្រួលឡើយ។ វិធីមួយដែលល្អបំផុតសម្រាប់ពួកគេអាចត្រលប់មកវិញបាន នោះគឺ Free Transfer ប៉ុណ្ណោះ។ បច្ចុប្បន្ន ពួកគេនៅសល់កុងត្រាជាមួយក្លឹប PSG ហើយក្លឹបអ្នកមានបារាំងនេះ ក៏នឹងមិនឱ្យចាកចេញដោយស្រួលៗឬតម្លៃផ្ដាច់កុងត្រាទាបដែរ៕
ប្រភព៖ ESPN FC
